|
Leikskólinn Foldakot
stendur á sólríkum og fögrum stað
í hjarta Foldahverfis.
Einkunnarorð leikskólans eru:
Gleði - upplifun - listir - leikur
Helstu markmiðin eru að allir nemendur styrkist til sjálfsbjargar og sjálfsöryggis, efli hjá sér frumkvæði, sköpunargleði og sjálfstæði.
Samkvæmt aðalnámskrá leikskóla (1999) eru námsviðin sex: Hreyfing, málrækt, myndlist, tónlist, náttúra og umhverfi og menning og samfélag. Þau undirstrika alla þætti skólalífsins í Foldakoti, ein sér eða samþætt og höfuðnámsleiðin er leikurinn.
Foldakot hefur verið þátttakandi í stóru þróunarverkefni ,,Að skapa heiminn“ ásamt nokkrum leikskólum borgarinnar þar sem hugmyndafræði Reggio Emilia er rauði þráðurinn.
Foldakot er vinaleikskóli – allir æfa sig í að vera skólavinir og vinna með Gildin í Foldakoti, samkvæmt þankahríð starfsfólksins og foreldranna, t.d. gleði, vinátta, jákvæðni, kjarkur, virðing og vellíðan.
Ef trúnaður, öryggi og kærleikur ríkir milli heimila og leikskólans
þá hafa allir góð tök á skólabragnum.
Foldahverfi - götukort |
Póstur
Viðburðir
